Archive for the 'Kvardagsliv' Category

Tlæt

20130814-211537.jpg

Såå glad kan ein bli for å vere heime igjen i gøymeteltet i lag med ein god ven…

Teltet er sydd av store bitar stoff frå lageret, og ser såpass hippie ut at mannen i huset syns det er heilt på grensa å ha det framme. Pytt sann.

Ferm living

Bilete

(biletet er lånt frå http://www.ferm-living.com/)

Dansk design etter mitt hjerte…Sjekk ut den nye katalogen her

Franske frøkner

Franske frøkner

Det passar vel fint med litt sol og varme no i desember??
Det er så kjekt å få positive tilbakemeldingar på det eg lagar, og særleg når eg får bildebevis! Her er to Oslofrøkner på ferietur i Frankrike, iført kvar sin RePro-kjole. For eit herleg bilde!!! Takk, M for at eg veit at du tillet å publisering av bildet utan at eg spør 😉

Ønskeliste

Eg har fått nokre førespurnader om kva eg/vi ønskar oss til jul, og bestemte meg for å skrive ei liste her, tradisjonen tru.

Eg blir alltid glad for:

  • heimelaga ting
  • ull og kle som varmar. Gjerne tynn kvardagsull som kan brukast under vanlege klede, dvs genser/singlet som er litt utringa i halsen
  • gåvekort på klebutikkar
  • handkrem
  • god te
  • kinobillettar eller restaurantbesøk
  • barnepass
  • pengegåver til gode formål

Mannen ønskar seg:

  • Hendig drill med to batteri
  • Støvsugar til garasje/bil
  • Krimbøker
  • Gåvekort på sportutstyr
  • BluRay-filmar
  • Apple-TV
  • Mokkabønner
  • Tjukkelestar
  • T-skjorte
  • Lommelykt
  • Boresett

Hussttanden ønskar seg:

  • tekanne med tesil, feks frå Eva Solo eller menu
  • ispinneformer, gjerne Tupperware
  • gode hagehanskar

Veslefrøkna si ønskeliste:

  • bøker
  • puslespel i tre med knottar på
  • ull og andre basic-kle i str 92
  • buff/hals
  • leikekjøkkenutstyr
  • badeand
  • bilar

Duskedame

Bilete

 

Svigermor som er ein racer med strikkepinnane har laga denne fine hua som vi brukar mykje no om dagen. Den sit veldig godt på og er så fin! Dessutan har ho strikka ein kjempefin heil dress i samme mønsteret, men den har eg visst ikkje tatt bilder av enno. To be continued! 

Tusen takk, snille fammo!

Uhuuu!

Bilete

Vi har feira ettårsdag i helga, til stor glede for både liten og stor. Og sidan eg hadde lyst å lage noko litt morsomt og personlig til kakebordet valde eg å sveive i hop ein liten flokk uglekjeks (!). Veslefrøkna i huset har begynt å dele min fascinasjon for desse flygande skapningane, og eit av dei første orda ho begynte å bruke bevisst var «Uhu». Kjeksa fall i smak, og jubilanten skjønte fort at augene smakte ekstra godt, og sette i gang med å gnage av desse før ho kasta resten på golvet og ville ha ein ny…

Om du også har lyst å lage slike kan du gjere som eg og stele oppskrifta herifrå. (Okei, mine blei ikkje fullt så fine, men men…) Det var ikkje oppgitt korleis kjeksa skulle steikast, men eg brukte 180 grader i ca 10 minutt. Dessutan ønskte eg å lage mesteparten av kjeksa utan mandlar sidan det er meir barnevennleg og allergivennleg, så eg improviserte nebb av kjeksdeig med kakao. Ikkje fullt så stilig, men eg ofrar gjerne litt estetikk til fordel for ulukkesførebygging.

Still alive

Bilete

Sjølv om det er forferdeleg lite som skjer på bloggfronten om dagen, så er eg oppe og går altså. Men det blir ikkje skapt så mykje for tida, men for å bevise for både meg sjølv og omverda at det fortsatt foregår ein viss form for handarbeidssyssel på Hobbyrommet skriv eg dette innlegget. Om fire stakkarslege giraffar…

Ideen er stolen frå pinterest, som i og for seg er eit forum for å dele og stele med godt samvit. Dei som kjenner meg veit at eg har ein fascinasjon for giraffar, så då eg kom over desse søte babyranglene skjønte eg straks at dette var eit finfint hurtigprosjekt for meg. Og vips hadde eg sydd ein liten gjeng som ligg i ei skuffe og ventar på nye eigarar. Den første i rekka har fått permanent opphald i heimen, men vart sopass snål at den ikkje var verd å feste på film…Men gullklumpen likar godt å både gnage på den og å denge den i golvet, så då kan ein vel seie at den duger. 

Julegåveønske

Ein månad til julafta! På grunn av stor suksess føregåande år skriv eg også i år ønskeliste på bloggen. Denne er meint for særskilt interesserte, så er du berre hobbyblogglesar kan du berre klikke deg vidare…

Det verkar kanskje litt sjølvopptatt og materialistisk med ønskeliste, men det er jo både miljøvenleg og praktisk. Eg trur også at dei fleste som likar å gje vekk gåver synest det er kjekt å gje vekk noko som dei veit blir sett pris på!

  • Fine, praktiske handlenett som tek liten plass og rommar mykje
  • Bakeboka til Schakenda
  • Langrennski! Evt bidrag til dette formålet
  • Tjukk morgenkåpe (gjerne fleece)
  • Gåver til veldedige formål (geit, ku, ris – samma det, så lenge det går til noko bra!)
  • Heimelaga gåver av alle slag
  • te av typen grøn eller kvit, eller yogi-te
  • Garn, stoff, knappar og anna kjekt hobbystæsj
  • Muffinsformer i silikon, gjerne i fine fargar
  • Ulltøflar str 39 med solid sole, gjerne a la desse
  • Medium stor «salatbolle» med lokk som kan brukast både til servering og oppbevaring
  • Abonnement på Ottobre (symagasin), evt gåvekort på sydilla.no
  • Barnepass så eg og mannen kan gå på kino
  • Lange, svarte/koksgrå strikkestrømpar (gjerne litt «fine» så dei kan brukast til kjole/tunika)
  • Armband eller andre gåver som støttar humanitære formål

VESLEFRØKNA I HUSET SEIER AT HO BLIR GLAD FOR:

  1. masse oppmerksomhet (can´t get enough)
  2. litt kos (helst porsjonert)
  3. kjekke bøker med fine fargar (bør tåle slev og biting)
  4. ulldress frå janus, str 80 (sidan favoritten begynner å bli for liten)
  5. meir tv-tid (mamma er så streng!)
  6. deilige, mjuke klede som f.eks slike heildrakter (eller liknande, i str 80)
  7. noko å bite i (ein finger, ei hand, ein bitering – samma så lenge det går i munnen)
  8. leikar av tre (fordi dei er kule og fine)
  9. baggy, mjuk dongeribukse i str 74 (må jo halde på stilen)

Superfin barselgåve

Vi har fått utruleg mange flotte gåver etter at veslefrøkna kom til verda, og denne uroen er så fin at eg føler eg må dele den med blogglesarane mine. Den er samansett av mange små delar som alle spring ut frå eit stort tre. Til mi store glede har designaren nytta figurar som eg likar veldig godt; ugler, sauar, tre/blad, skyer, hus og sopp. Og fargekombinasjonane er så fine! Dei kvite delane lyser i mørket, noko vi ikkje har fått testa skikkelig enno sidan uroen foreløpig heng over vogga i stova der frøkna søv på dagtid. Men ho ligg ofte og kikar på dei mange figurane, både når ho skal sove og når ho ligg på leiketeppet ved sidan av vogga. Ei stund  begynte ho å smile kvar gong vi holdt ho opp slik at ho kunne sjå studere uroen på nært hald.

Tusen takk til T, T og M som var snille å gje oss denne artige og dekorative gåva!

Pinterest

Har du ikkje fått augene opp for Pinterest enno så har eg eit tips til kva du kan bruke fritida di til dei neste dagane. Om du er som meg og likar å hente inspirasjon frå bloggar og nettsider av ymse slag, så er pinterest ein genial måte å organisere fine bilete, tutorials, sitat og andre interessante saker! Her er eit døme på ein av kategoriane eg har begynt å samle idear i, og under ser du eit bilete av korleis «kontoen» min ser ut. Har ikkje samla så mange «pins» enno, men det tek neppe lang tid før eg må utvide med fleire kategoriar fordi det fyller seg opp med stadig ny inspirasjon. Blir du nysgjerrig? Ta ein kikk då vel! Nevnte eg at det er superenkelt å bruke???


Ting som gjer meg glad:

Veslefrøkna, sol, sjokolade, fargar, Mannen, spennande post, gode ord, fuglekvitter, varm gjærbakst, retrostoff, skaparlyst, initiativ, tørr asfalt, familie, reint sengetøy, gaveinnpakking, vårblomar, fregner, barnesmil, nyoppdaga musikk, krydder-te, engasjerande bøker, knappar, loppemarked, fullføring av hobbyprosjekt, førjulstid, ferie, lønning, gitarklimpring, kommentarar på bloggen...

Mitt varemerke

K*L*E*M =

Kristine
Lagde dette
Eigenhendig
Med glede!

RePro = laga av gjenbruksmateriale eller tøy frå loft og kjellar.

Siste innspel

Min eplabutikk

Flittig brukt mønsterbok:

Mine bilete i Flickr

Besøkande

  • 154 128 nysgjerrige

Ei kjær strikkebok:

Arkiv

Om du ikkje er wordpress-brukar skriv du epostadressa di her, så får du oppdateringar når eg legg ut nye saker.

Join 329 other followers