Made for me

Det er ikkje berre veslefrøkna i huset som har fått nytt i vintergarderoben, eg har endå til klart å strikke meg ei jakke! Trass i at eg likar best kjappe småprosjekt innsåg eg at det kunne vere kjekt å strikke noko til meg sjølv for ein gongs skuld. Og det tok ikkje så forferdeleg lang tid heller. Dobbel tråd drops alpakka og pinne nr 4 og 4,5 – vips så var jakka ferdig etter nokre lange haustkveldar i sofaen…Fornøgd vart eg også! Trur denne kjem til å bli mykje brukt, men akkurat no er den litt upraktisk fordi eg ofte har ei lita, langfingra jente i armane, og ho likar godt å stikke fingrane inn i «hola» og dra til…

Oppskrifta er frå garnstudio. Bjørnebærmønsteret i bærestykket ser litt proft ut syns eg, men det var i grunnen ganske enkelt å lære seg. Kjekt å utvide strikkerepertoaret!

Advertisements

Berretilmegsjølv

Denne gensaren i alpakkaull vart til i løpet av årets ferietur. Den blei påbegynt i Ørsta og avslutta på ei lita øy utanfor Svolvær. Eg har innsett at eg klarar fint å strikke i bilen utan å bli kvalm, til mi store glede. Og sidan mannen likar seg godt bak rattet havnar eg som regel i passasjersetet, og då er det fint å kunne bruke tida på vegen til noko nyttig.

Mønsteret er frå Garnstudio, og var overraskande enkelt. Eg likar godt rundfellinga, og bobleeffekten rundt halsringinga. Og så syns eg fargen på garnet var så fin! Denne blir varm og god når hausten kjem.