Archive for the 'Papirhobby' Category

Kort og smått

Bilete

For ei tid tilbake fann eg fram kortutstyret mitt og bestemte meg for å fylle opp det tomme kortlageret. Eg har ikkje lenger den samme iveren etter å pusle med papir som eg hadde tidlegare, og scrappinga har eg lagt på hylla. Men sidan eg har ein del utstyr, papir og pynt er det jo for gale å ikkje bruke det til noko, og å gå på butikken og kjøpe kort er liksom ikkje heilt meg. Men heretter blir nok kortproduksjonen litt sånn plukk, klipp og lim etter innfallsmetoden, men det ligg fortsatt litt omtanke i eit heimelaga kort sjølv om det ikkje er så forseggjort, eller kva? Her ser du resultatet etter at utstyret hadde stått framme eit par dagar. Det burde dekke behovet for nokre månader fram i tid!

Bilete

PS: om du også likar yogi-te så dreg du kanskje kjensel på det brunmønstrete papiret/kartongen på korta på det øverste biletet. Eg har nemleg brukt innsida på te-øskja fordi den har så fint mønster. Gjenbruk!

Snart jul!

Her går det i kortskriving, gåveinnpakking og andre koselige førjulsaktivitetar. Riktignok i roleg, på-ingen-måte-stressa, tempo. Det er mange nok som stressar om ikkje eg også skal gjere det! Gavene er så og seie i boks, huset småpynta, «fredagsvasken» tek vi onsdag, og då må vi få oss eit juletre. Har bakt littevetta, men vi ventar ikkje besøk i jula og kjem til å tilbringe mykje tid hos andre, så då er det ikkje noko poeng i å fylle opp alle kakeboksane. Men det er jo litt kos å ha litt å knaske på i førjulsdagane…Som det ikkje er så mange igjen av. God jul alle sammen!

Eit par nye ølbrikkekort. Enkle og små kort som er greie når ein skal gje vekk ei gåve og ikkje har behov for å skrive ei heil avhandling…

Og eit litt større kort til ei anna anledning. Litt trist i fargane kanskje, men det hender jo at eg treng eit kort i den meir alvorlige sjangeren også.

God helg til deg som kikkar innom!

Klippeklippeklippe

Det går litt tregt her på bloggen om dagen. For det første blir det produsert lite, og for det andre så er eg visst ikkje så kjapp til å overføre bilder frå kamera til datamaskin om dagen. Uansett; her kjem nokre kort eg lagde mens det fortsatt var sommar. Det øverste lagde eg då eg var hos ein kollega som har cuttle bug til å stanse ut figurar og alfabet. Eg er ein god snyltar!

Det skal ikkje alltid så mykje til…ein merkelapp, litt garn, nokre pynteduppedittar og eit stempeltrykk. Dymoapparatet er kjekt å ha for å «knipe» merkelappar med gratulerer på.

Endå mindre dilldall; sjølve kortpapiret hadde motiv med hjerter og linjer. Stempla på ein søt fugl (takk B!), limte på eit kontrastpapir, tre knappar og gratulasjonstekst.

Søte søstra

I mai vart minstesøstra konfirmert, og som i fjor lagde eg album i gåve. Med mange fine bilder å velge mellom var det berre kos å scrappe 40 sider med denne jenta som motiv. Eg likar å gjere sidene enkle, men likevel ikkje for simple. Og i forsøk på å vere ein bevisst forbrukar valde eg å ta utgangspunkt i materiale eg allereie hadde, og ikkje gå bananas på nettbutikkar som sel all verdens fristelsar til scrapbooketusiastar. Dette gjorde kanskje albumet litt rotete og uharmonisk, men eg synest ikkje det gjer noko om ikkje alt matchar og ser superfancy ut.

Når ein rotar i gamle papirfoto og samanliknar kvaliteten med dagens digitale bilder, er det lett å glede seg over dei teknologiske framstega vi har vore vitne til dei siste åra…

Fine fjes??? Frå Londonferien i fjor. Mykje moro!

Kort av ølbrikker!

Dette er ein ide mamma gav meg. Ho hadde nemleg fått i hende eit par store bunkar med ubrukte ølbrikker som ho syntest var for gode til å kaste. Pappen var jo så solid og god! Men dekoren gjorde dei lite brukbare sånn som dei var, så det måtte kreative tiltak til. Litt papirrestar, band, ferdige stempeltrykk, knappar og lim – og vips hadde eg ein god bunke små kort! Små kort er anvendelege til så mykje, for det er ikkje alltid eg har så mykje på hjertet når eg treng eit kort.

Og treng eg seie at dette er ein finfin måte å bruke opp små papirrestar på? Sånt kan vi like!

Sistemann ut

Då var minstesøstra konfirmert, scrapbookalbumet overlevert og talen fullført uten at eg fekk sammenbrudd. Konfirmanten var fornøgd med dagen, og det trur eg dei fleste gjestane var også. Er det eit teikn på at eg har blitt voksen når eg har begynt å sette stor pris på familietreff?

Blomsterkort

Har laga litt kort i det siste, på oppdrag frå mamma som ville ha kort å gje vekk i konfirmasjonar o.l. Og så var eg så heldig å ha besøk av ein kollega med kjekt papirutstyr her om dagen, så då nytta eg høvet til å snylte litt og stanse ut blomar og andre kjekke saker. Kortgalleriet blir oppdatert om ikkje lenge. God helg!

Veggpryd på ny måte

Eg har så mange artige bilete av min kjære nevø, og ein dag hadde eg lyst til å bruke dei til noko. Tidlegare har eg scrappa ein del bilete av han og gitt bort, og det var vel eigentleg tanken bak då eg lagde denne fotokollasjen også. Eg printa ut ei A4 side med 3×4 små portrett i kronologisk alder frå 0-2 år. Men det blei for stort for ei vanleg scrapbookside (det blei for lite plass til stæsj!), så då måtte eg finne på noko nytt. Og tilfeldigvis hadde eg ei litt stor papplate liggande som berre venta på eit eigna hobbyformål. Etter litt kjapp klipping og liming hadde eg plutseleg laga noko eg kunne henge opp i «rekved-bilde-opphenget» som har blitt liggande i eit skap fordi eg ikkje har funne noko passande å henge i det. Så no prydar nevøen veggen ved sidan av badet, og om litt tenker eg at mammaen skal få finne ein plass i heimen deira, for ho blir alltid glad for «nye» bilete av den vesle rakkaren.

Stilkræsj, men bryr ein baby seg om det?

Kva gjer ein med eit stykke gamalt, originalt, retromønstra jerseystoff? Eg valde å kombinere det med litt nøytral jersey og ribb, og lagde ei bittelita joggebukse til ei nyfødt frøken. Ho er garantert den einaste kid’en i nabolaget med ei slik bukse iallefall!

Kortet som følgde med velkomstgåva var litt meir i den sukkersøte stilen, og matcha på ingen måte den retroinspirerte buksa. Men, men. Fekk prøve meg på å lage posekort (av brun papirpose) sist vi hadde hobbykveld med jobbgjengen. Veldig kjekt, sjølv om det innebar meir pynting og dilling enn eg normalt sett likar. Men alltid kjekt å prøve noko nytt! Kortet er pynta på framsida, innsida og baksida, pluss at det er eit kort «inni» kortet som må dragast ut.


Ting som gjer meg glad:

Veslefrøkna, sol, sjokolade, fargar, Mannen, spennande post, gode ord, fuglekvitter, varm gjærbakst, retrostoff, skaparlyst, initiativ, tørr asfalt, familie, reint sengetøy, gaveinnpakking, vårblomar, fregner, barnesmil, nyoppdaga musikk, krydder-te, engasjerande bøker, knappar, loppemarked, fullføring av hobbyprosjekt, førjulstid, ferie, lønning, gitarklimpring, kommentarar på bloggen...

Mitt varemerke

K*L*E*M =

Kristine
Lagde dette
Eigenhendig
Med glede!

RePro = laga av gjenbruksmateriale eller tøy frå loft og kjellar.

Siste innspel

Min eplabutikk

Flittig brukt mønsterbok:

Mine bilete i Flickr

Besøkande

  • 154 128 nysgjerrige

Ei kjær strikkebok:

Arkiv

Om du ikkje er wordpress-brukar skriv du epostadressa di her, så får du oppdateringar når eg legg ut nye saker.

Join 329 other followers