Strikk og jul og sjukdom og slikt

Her er strikkadressen og (den tidlegare omtalte) hua veslefrøkna fekk frå farmor. Er det ikkje eit fint sett? Vi diggar det. Men det var krisestemning då seleklipsen i bilen hang seg fast i ei maske og rauk ein tråd midt foran…Heldigvis gjekk det an å fikse så det nesten ikkje viser. Puh…

Strikkavottane på bildet er arvegods, og veslefrøkna er komen i fasen «vil-prøve-å-ta-på-sjølv». Det er ikkje alle plagg som eignar seg like godt når ein er eitt og eit halvt år, særleg ikkje «båtta» som ho kallar det. Men lenge leve sjølvstendighetstrangen!

Elles vil eg ønske alle ei god og frisk jul! Vi har akkurat begynt å komme til hektene att etter omgangssjuke, og er glade for at vi akkurat rekk å bli friske til julefeiringa…

Flink farfar og farmor!

Godt nytt år folkens! Eg har visst vore lite aktiv med blogginga i det nye året. Men sånn blir det nok framover. Blogging blir lett nedprioritert når ein lever i ei babyboble og heller vil prioritere å drive med hobbyaktivitet når ein har tid (og overskot til denslags).

Den finaste julegåva i 2011 var det veslefrøkna som fekk. Farfar hadde laga gyngehest! Er den ikkje utrulig fin?!? Vi likar den godt alle sammen. Og julekjolen var av den heimestrikka sorten, laga av farmor. Heldig er vi som har så flinke handarbeidsfolk i familien!

Tantedress

Denne fine ulldressen har flinke tante Heidi laga. Den er mjuk og varm og heilt ypperlig å dra utanpå body og strømpis når veslefrøkna skal ut i vogna for å sove (Det kan lagast hol bak slik at det går an å bruke den i bilstol). Og så har den søte, prikkete knappar! Trur oppskrifta er frå boka «myk start» om nokon skulle få lyst til å lage ein slik. Vi kan anbefale den på det varmaste! Veldig kjekk gåve å få.

Tusen takk, Heidi! Vi gler oss til å feire jul med deg når du kjem heim frå Afrika!

PS: Det er fortsatt mogeleg å vere med i give awayen min (eller lotteriet som eg likar å kalle det) ved å skrive ein kommentar til forrige innlegg.

Leiketeppe frå mormor

Vi har også fått ein del handlagde barselspresangar. Dette leiketeppet er det mamma/mormor som har sydd. Det er så fint! Deiligaste grønnfargen…og fine, barnslege figurar med gardsmotiv som ku, traktor og fugleskremsel.

På dette teppet har det blitt leika mykje dei siste månadane. Og når ein er liten og enno ikkje har oppnådd full kroppskontroll blir det også ein del plutseleg intimitet midt i leiken…

Her er det også rom for store tankar og viktige avgjersler. Her ser det ut som dei to luringane i bakgrunnen lurer på kva dei skal gjere med den søte snella som nærmar seg på sitt rullande vis.

Tusen takk for teppet mamma! Vi likar det veldig, veldig godt!

Hentesett

 

 

Nok ein gong har svigermor imponert meg med strikkinga si! Somme trur kanskje at hobbyentusiastar som meg ikkje ønskar seg heimelaga gåver, men er det noko som blir verkeleg høgt verdsett på gåvefronten så er det ting som andre har laga og brukt tid og omtanke på. 

Dette hentesettet er altså «Til lissjegollje – Frå farmor», og mini i magen sparkar i fryd og gler seg til å få prøve det! Det er strikka i deilig babymerino, og sidan vi ikkje akkurat bur i tropiske klima skal nok dette bli godt brukt sjølv om vi ventar sommarbarn.

Her snakkar vi forseggjort handarbeid. Tynt garn, strikka på tynne pinnar og med kjempefint flettemønster. Sjølv har eg til gode å strikke ei einaste flette, og syns det ser både vanskelig og tidkrevande ut. Eg held meg til dei kjappe prosjekta…

Svigers har endåtil sponsa oss med nytt bilsete (som vi plutselig ønska oss sidan vi plutselig kjøpte ny bil med isofix!), så no skulle alt ligge til rette for at den nye verdsborgaren skal komme seg heim både varm og god og under trygge forhold når tida er inne…:) Tusen takk!!! 

Lucky me!

I sommar fekk eg spørsmål frå svigermor om eg hadde lyst på ein slik gensar. Ho hadde allereie laga to av samme mønsteret til svigerinnene mine, riktignok i ulike fargar. Eg seier sjølvsagt ikkje nei når nokon har lyst å strikke til meg, så vi gjekk på garnbutikken i lag og plukka ut fargar. Nokre veker seinare var gensaren ferdig! Eg syns den blei superfin og kunne ikkje vore meir fornøgd. Fint mønster, fine fargekombinasjonar og super passform. Som ein bonus fekk eg med matchande sokkar av restegarnet. Heldige meg! Takk svigermor, du er ein knupp!

Og om nokon skulle få lyst å strikke ein slik gensar så finn de oppskrifta på garnstudio.no.

Med hjertet i halsen og fisk i håret

Overskrifta gir kanskje forventning om at eg har noko spektakulært å fortelle, men sånn er det altså ikkje. Eg hadde berre lyst til å vise fram den nye tekoppen min som vart kjøpt på Nordlandsturen vår i sommar. Den kom eg over i ei lita grend som heiter Vikten, der dei hadde både glasblåseri og keramikkverkstad. Eg likar godt både forma, fargane og dekoren. Sidan både hjerter og fisk er dekorasjonselement eg likar godt, var det naturleg at denne koppen skulle få bli med meg heim. Og no har eg den på hybelen min i Bergen, der den skal få vere trufast følgesvenn gjennom sure haust- og vinterkveldar. Gjerne fylt med den nye favoritteen » Green Tea Intense Mint» frå Lipton. Anbefalast.

Lappemamma

Vi har fått eit nytt teppe i hus! Mamma lagde tepper til brødrene mine til jul, og hadde dårleg samvit for at eg ikkje fekk eit i samme slengen. Eg forsøkte å seie til mamma at ho ikkje hadde noko å uroe seg over, vi har eit digert mamma-lappeteppe liggande over senga vår store delar av året og eg veit kva arbeid som ligg bak noko slikt. Dette er ikkje noko ein berre svingar ihop i løpet av ein kveld (i motsetning til mine prosjekt…).  Men enden på visa vart at mamma ville sy teppe til oss på nyåret, og eg skulle vere med å velje fargar og design. Og her er resultatet!

Eg er godt fornøgd, og teppet har blitt flittig brukt i sofakroken dei siste vekene når sommarvarmen har uteblitt. Quiltinga av teppet er gjort av ei dame med quiltemaskin, som valde doble hjerter til teppet vårt. Så over heile teppet er det massemasse hjerter. Ganske så koselig for ei hjertedame som meg. På biletet under kan du sjå kor godt fargane passa inn i sofakroken vår.

Takk mamma! Sjølv om du ikkje hadde behøvd å lage noko til oss, så var det veldig kjekt å få eit så fint teppe! Eg trur teppet skal få bli med meg til Bergen når eg skal bli student igjen til hausten…

No er det ferietid, og dagen har gått med til klesvask og pakking. I heile 3 veker skal vi feriere i Noreg i år, så la oss krysse fingrane for at sola vil skinne litt over både Vestlandet og Lofoten, og resten av landet! God sommar alle sammen!

Takk, mamma

Eg har mi kjære mor (og sannsynligvis også min Reodor Felgen-inspirerte far)  å takke for kreative interesser og evner. Heilt sidan eg var liten har eg sysla med ulike hobbyaktivitetar, og har fått lov å prøve mykje kjekt heime sidan mamma har drive med bl.a. søm, strikking og førebuingar til formingsaktivitetar for elevane sine.  Dette trur eg er bakgrunnen for min evige skapartrang, ein kombinasjon av arv og miljø. Hobbyane mine gir meg mykje glede, og eg er veldig takknemleg for å ha fått desse interessene. Så takk mamma, både for å ha påverka meg i denne retninga, og for å ha laga desse fine grytelappane eg nettopp fekk 🙂 Mamma har nettopp fått seg eigne merkelappar og kan stolt merke sine små og store prosjekt.

Nattevaktsinspirasjon

Som vanleg har det blitt litt tid til bloggsurfing i løpet av nattevaktshelga mi, og her kom eg over ein ide som eg fekk veldig lyst å prøve meg på! Så enkelt, smart og dekorativt! Berre så synd at eg ikkje har så mange aktuelle mottakarar i nærleiken. Men får eg ånden over meg, kan det jo alltids hende at det havnar eit forkle i eplebutikken.