For ikkje lenge sidan skreiv eg eit innlegg om korleis ein kan bruke supersyntetisk retrostoff som dekor på barnekle. Eg følger opp temaet med ein del to; lag bruksting! Som for eksempel ein praktisk pengepung slik eg har gjort det her.
Det turkise stoffet er nokså tjukt, og det mamma kallar crimplene. Antar at det er 100 % polyester? Eg fekk stoffet i kassen-med-det-rare-i, og syntest det var for bra til å bli kasta. Baksidestoffet er frå ein kjole som ei grandtante visstnok har hatt. Fôrstoffet er frå bruktbutikk, og om du kikkar nærmare nedi pungen ser du at der er hjertesøm på dei to små lommene. Detaljar er viktig! Dekoren på framsida er sjølvsagt laga av restelappar, og glidelåsen, ja den har eg vel kjøpt på Fretex tenker eg.
Lurt lurt! Ekstra kjekt å lage noko liksom ut av ingenting:)
Prøvde meg på lappesmekkeidèen din. Veldig kjekke å sy og fekk brukt restelappar frå lappeteppe, men sleit litt med skråbandet rundt. Har du eit lurt triks for å treffe nøyaktig på baksida av skråbandet?
Håper du koser deg med studenttilværelsen!
den var fin krisskross!
Takk for at du tok deg tid til å svare på syproblemet mitt! Feiga ut og tok ein borrelåsvariant i kveld, men skal prøve det du foreslo, hørtes fornuftig ut.
Ha ei god studieveke i regnbyen!