Bryllupshelg

Så var vi heime igjen etter ei deilig langhelg på farten. Har vore på tantebesøk på østlandet og i bryllup på sørlandet. Veldig koselig alt sammen. Tenkte eg skulle vise noko av det eg har sysla med før bryllupet. Eg fekk i oppdrag å lage bordkort til ca 90 gjestar, og tok utgangspunkt i ei herlig teikning som er laga til brudeparet av ein kreativ venn (som snart debuterer som barnebokforfattar). Denne teikninga gjekk igjen i invitasjonar og sanghefte. Det var ingen sak å lage bordkort med eit slikt herlig bilde å gå ut ifrå!

Og så må det jo nevnast at eg er veldig glad i gaver. Sjølvsagt er det kjekt å FÅ gaver, men eg har nok eit over gjennomsnittleg godt forhold til det å skulle pønske ut, pakke inn og gje vekk gaver. Til eit bryllup blir det jo oftast at ein kjøper noko som står på ønskelista, men elles synest eg det er ei spennande utfordring å prøve å finne noko som eg trur kjem til nytte og glede for mottakaren (Om eg treff blink får bli opp til andre å vurdere…). Det endar ofte med at eg lagar noko og kjøper ei gave i tillegg. Gjerne noko som komplementerer den heimelaga delen av gava. Denne gongen blei det gjort i motsett rekkefølge; eg kjøpte kjøkkenutstyr som brudeparet ønska seg, og lagde grytelappar som eg tør påstå vil matche deira stil. Gløymde å ta bilde av dei før eg pakka inn, men slik blei det altså sjåande ut etter eg hadde tatt gråpapiret fatt. Eg synest gråpapir er kraftig undervurdert. Eg brukar heller pengane på band og anna pynt. Det er også i tråd med gjenbrukstankegangen, for det er lettare å bruke om igjen band enn papir! Så fekk eg spreidd litt miljøtankegang i dag også. Kortet er også sjølvkomponert. Kjapt og enkelt, og med utradisjonelt fargevalg til eit bryllup. Ha ei fin veke!