Mi gode venninne B skal gifte seg til våren, og slikt går jo ikkje ubemerka hen. I helga hadde vi fest for ho, og då blei det tur østover for meg. I desse klimatider valde eg å reise kollektivt, også fordi det var det billigaste. Eg har no erfart at 8 timar på buss faktisk ikkje er så verst når ein har med seg lydbok og strikketøy, og at ei helg i utdrikkingslag gjer det overraskande lett å sove på nattbussen heim. Det var ei kjempebra helg, med passe masse program, mykje sosialt samvær, hyttekos, drilling, quiz og god mat og drikke. Bildet over er frå lunsjen lørdag. Mmmm…Om du kikkar i strikkesakene mine kan du sjå kva brura fekk i gåve frå meg. Bakgrunn: Ho hadde ein tendens til å bruke mine tøflar då vi budde i lag i Bergen. Fann eg dei ikkje, var dei ganske sikkert havna under senga hennar 
Som vanleg når eg kjem heim etter å ha vore på tur, enten det er snakk om dagar eller veker, så meldte skapartrangen seg på mandag. Det resulterte i eit par grytelappar i ull.
Posted by Merete on 13/03/2008 at 10:21 pm
Stilige!! Ka kosta desse gryteklutane?! Eg kan finne på å legge inn bud..! Er kjekt å følge med på kreativekris på dinne sida. No er det snart påskeferie – gler meg! Skal du vere heime? Kanskje vi får til ein kaffi eller litt vin:)
Posted by Kristine on 13/03/2008 at 10:31 pm
Det e berre å by, dei ligg i skapet for upcoming bursdagar eller dersom nokon skulle vere interesserte i ein liten handel. Det blir jo ein del overskuddsprodukt etter kvart…
Påskeferie her også! Tenke seg til at ein turnusarbeidar skulle få ei veke fri i påska. Blir Sunnmørstur på meg, før jobbing i sjølve påskehelga. Men kanskje vi sjåast!